स्टल बजार हटाउँदा व्यवसायीको उच्च समझदारी,धैर्यतालाई मेयरले दिए धन्यवाद

सिन्धुली,शुक्रवार स्टल बजार हटाउने क्रममा यहाँका व्यवसायी साथीहरूले देखाउनुभएको उच्च समझदारी, धैर्यता र सहयोगप्रति नगर प्रमुखको हैसियतले नगर प्रमुख उपेन्द्र पोखरेलले हार्दिक धन्यवाद व्यक्त गरेका ।

विशेष गरी, कुनै विवाद वा अवरोध नगरी आफ्ना स्टलहरू आफैं खाली गरी सहयोग गर्नुभएको कार्यले जिम्मेवार नागरिकताको उत्कृष्ट उदाहरण प्रस्तुत गरेको छ। मलाई थाहा छ, ती स्टलहरूसँग यहाँहरूको मेहनत, संघर्ष र परिवारको आशा जोडिएको थियो। त्यसैले आजको यो क्षण यहाँहरूका लागि जति पीडादायी थियो, त्यसको अनुभूति मैले पनि गरेको उनले वताएका छन ।

मेयरले पोखरेलले नगरको सुरक्षा, सुव्यवस्था र दीर्घकालीन लागि यो निर्णय समयको आवश्यकता थियो। नगरको अभिभावकको रूपमा यस निर्णयबाट कसैको मन दुखेको भए म क्षमाप्रार्थी छु उल्लोख गरेका छन ।

आज यहाँहरूले देखाउनुभएको सहयोग र त्यागप्रति म नतमस्तक छु। यही समझदारी र सहकार्यले भोलिको अझ व्यवस्थित, सुरक्षित र सुन्दर कमलामाई निर्माण हुनेछ भन्ने विश्वास लिएको उनले वताएका छन ।